今次既考試我用左好多時間去準備呀
所以好多地方都無去到,
希望到時唔好太過緊張,而搞到又唔識做啦!!

嘩~~好似又一段時間無黎到打下野,
又唔記得搵d新野比大家睇添~~
所以今日我突登唔瞓都要登d好野比大家望下先得~~

今日我公司有位同事轉工啦,所以我地好多人都同佢一齊出去食飯
我地去左一間日本料理到食,食左好正既野,你地睇下啦~~

有前菜沙律                  仲有軟殼蟹飯               同埋壽司添呀

真係好好味架~~~

嘩~~好開心呀,終於都比我買到啦,
我尋日行屯門碼頭商場既時候,見到優之良品,諗住都入去睇下啦,
點知比我見到有我想食既yogurt jelly買啦,
仲有3種味添呀,但本人較偏愛吃strawberry & peach,
所以就無買到orange味啦!!

雖然唔係買左好多,只有一磅,但都唔係好抵,
因為一磅就只有13粒,佢買半磅都可以送半磅,
咁半磅既價錢都要成30蚊呀,
為起要兩過幾一粒,但一啖就無左,
不過無法啦,鬼叫自己鍾意食咩!!
嘻嘻~~下次再見到要買多d先得!!

另外今日有個經理請我食一個叫黑糖桃酥既東西,

我仲未食帶左返黎屋企,
等我聽日食過係咩味道,再話大家知啦!!

呵呵呵!!

前幾日我個同事請左我食一個 乳酪jelly,好好味架,
但好多優之良品都話缺貨呀,搞到我想買都冇得買黎食呀@@

我既表姨甥女就出世啦,我早排去左睇bb女衫,
真係好靚呀,但想買既款又無佢既size喎,
所以到最後都無買到呀@@

呢個星期咁得閒.得我睇下整d咩食下先##

今日我既心情好好呀,因為我可以用一個輕鬆既態度去考試~
以往既考試我都會緊張到食唔到野,
仲會頭暉添,但今次無呀,可能係因為我有做我既本份啦!!
雖然我唔係用好多日既時間去溫習,
但我真係有用心去讀架,
希望成績唔會差啦!!

考完試之後又要等開第二科啦,
所以有一星期既break,咁我就可以好好咁去玩下啦!!
哈哈哈!!!

嘩~自icq之後我都好耐無試過玩電腦玩到3點鐘呀!!
尋晚同個朋友仔傾計,雖然傾既都一d好簡單既野,
但係都好搞笑!!
同佢地呢倆個朋友傾計真係可以令我放鬆、開心,
希望佢地永遠都係我既好朋友啦!!
朋友仔一號朋友仔二號!!
識到好朋友仔,真係會令人生更美滿

哈哈~~今日我知道ceu有discount,所以放工就去左睇衫啦~~
最basic都有40%off,所以我忍唔住買左兩件衫,
好開心呀,夜晚仲約左個朋友仔攞野兼食糖水添呀!!

嘻嘻~~

嘩~~真係好耐都無係自己個blog到打下野啦!!msn果個都係最近先打返,
而呢個blog仲慘,太耐無用,比人out埋添,開唔返相聚時刻去加野!!
不過唔緊要啦,當係我從新做人啦!!

哈哈~~以後大家要多多關照啦@@